منتدى الاجتماعيات لمدرسة بنات الشاطيء الاعدادية (أ)
اهلا و سهلا بضيقنا الكريم في منتدى بنات الشاطي الاعداديةأ / يشرفنا وجودك بيننا كما يسعدنا انضمامك لاسرتنا
فاهلا و سهلا بك
مع تحيات ادارة المنتدى

منتدى الاجتماعيات لمدرسة بنات الشاطيء الاعدادية (أ)

منتدى الاجتماعيات
 
الرئيسيةتواصلالتسجيلدخول

// * رسالة شكر و تقدير *

// تتقدم المعلمة الهام لكافة المشاركات في المنتدى برسالة شكر و تقدير لما يبذلن من جهود مميزة تساهم في تميز منتدانا الغالي و تالقه فبارك الله فيكن و الى الامام باذن الله //

اعلان ترحيب بالعضوات الجدد

ترحب ادارة و عضوات المنتدى بالعضوات الجديدات اللواتي انضممن الينا

فاهلا و سهلا بهن


شاطر | 
 

 حوار فلسطيني بالامثال الفلسطينية ( اكتر من رائع)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
زهرة المرح
عضو في القمة من التفاعل ( الله يعطيه الصحة )
عضو في القمة من التفاعل ( الله يعطيه الصحة )
avatar

عدد المساهمات : 469
تاريخ التسجيل : 03/11/2010
العمر : 21
الموقع : منتدى الاجتماعيات _انا فلسطيني _مسلمة

مُساهمةموضوع: حوار فلسطيني بالامثال الفلسطينية ( اكتر من رائع)   الجمعة ديسمبر 10, 2010 6:39 pm


حوار فلسطيني بالامثال الفلسطينية ( اكتر من رائع)


(حوار بين شخصين يستخدمون الامثال الفلسطينية في حوارهم ولكي تستمتعو بالموضوع حاولو قراءته باللهجة الفلسطينية )



أبو فلسطين :ألي مكتوب على الجبين بشوفه العين يا اخوي

أبو سعود : دخلك يا أبو فلسطين اشو آخر الأخبار؟

أبو فلسطين: شو بتتوقع يعني.. "أتبدلت غزلانها بقرود".

أبو سعود: مفهمتك ؟



أبو فلسطين: يعني بصراحة أعطوهم الثقة وهم ما يستحقوها خاصة هذا اللي "أجا ونام عنا ليلة وساوى حاله من العيلة"!!

أبو سعود: مش هيك ألحكي يا أبو فلسطين والزلمة لسه "ما بنعرف خيره من شره".



أبو فلسطين: أي والله لو"حبسوه مع ابليس في كيس بطلع ابليس يستغيث" هذا "زي البرد سبب كل علة".



أبو سعود: لـه يا زلمة "الحيطان الها ودان" "احنا بنمشي الحيط الحيط وبنقول يارب السترة".



أبو فلسطين: ولليش الخوف؟ أي والله " الساكت عن الحق زي الناطق في الباطل". بعدين اشو اللي بدو يصير؟ "مابصير اكثر من اللي صار" ، والمثل بيقول "النعجة المذبوحة ما يوجعهاش السلخ"..

أبو سعود: يازلمة "مش كل اللي بنعرف بنقال".

أبو فلسطين: بصراحة يا أبو سعود "اللي بعمل حاله نخالة تنقه الجاج" واللي قاعد بصير ما بينسكت عليه..



أبو سعود: شوف يا أبو فلسطين الحكاية أكبر من صاحبك. هذي يا عمي أمريكا و"حدا بقدر يقول للغول عينك حمرا" ؟



أبو فلسطين: واشو يعني أمريكا مادام المسألة بتخص هالأرض .. لأنو يا أبو سعود "اللي بفرط بأرضه بفرط بعرضه" مش قالوا "الأرض عرض " ؟



أبو سعود: معلش لكن احنا "مش قدها" و"ليش نعمل حالنا أبو علي".

أبو فلسطين: يا حبيبي " التعوير في الوش.. مافيهوش معلش".

أبو سعود: والله اشو بدي اقول "طاسة وضايعة".



أبو فلسطين: أبداً الطاسة مش ضايعة و"خيرنا مابصير يروح لغيرنا" وهذا مش خيرنا وبس هذي أرضنا بتضيع ودمنا اللي بيسيل .



أبو سعود: لكن الصحيح احنا لازم نرضى باللي قاعدين
برتبوه النا حتى لو ضاع اشي من حقوقنا لأنه "نص العمى
ولا العمى كله" وزي ما بقول المثل :"بلا أهون من بلا
والكساح أهون من العمى ".



أبو فلسطين: شوف يا ابو سعود "لاتدير قفاك للدبابير وتقول منايا وتقادير".

أبو سعود: والله يابوفلسطين أنا معك لكن بعد اللي صار في العراق شكله "الدور علينا" و"الحبل على الجرار" والمثل بيقول "طيع لاتضيع" و"خليك على مقرودك ليجيك اقرد منه".

أبو فلسطين: والله إذا بدك تطاوع الأمريكان راح تنذل وتنهان والمثل برضه بقول " الحق الغراب بدلك على الخراب" و"هذي أمريكا وهذي بلاويها" .

أبو سعود: يا عمي "اللي ما إنت طوله لاتطاوله" و"هذا الحكي ما بجيب خبز" لكن أمريكا يمكن تجيب النا شوية خبز!

أبو فلسطين: والله "عشم ابليس في الجنة" ويا "طالب الدبس من ذيل النمس" و"إذا كنت نسيت بأذكرك" وعلى رايهم "إذا كنت نسيت اللي جرى هات الدفاتر تتقرا" وانت نفسك شفت شو عملوا في العراق و"اللي بياكل رغيف الظالم بحارب بسيفه" بتقبل تكون هيك يا بوفراس؟

أبو سعود: أنا ما بقول نتخلى عن حقنا لكن "بالتي هي أحسن".

أبو فلسطين: يا بوسعود إحنا اصحاب حق و"الطلب الهين بيضيع الحق البين" و"الحق اللي وراه مطالب مابيموتش".

أبو سعود: بس خلينا نجرب "لعل وعسى"، بعدين "زمان أول تحول" ويمكن انو أمريكا تغير من سياساتها لصالحنا هالمرة.

أبو فلسطين: والله يا ابو سعود "اللي أصله ........لازم ينبح" و"وين ما بقعد بنجس" و"اللي فيه طبع ما بغيره" وبصراحة انت باين الخوف قاتلك والخوف زي ما بقولوا "قطاع الركب".

أبو سعود: وانت لارضيت بمدريد ولا بأوسلو وإجا اللي أسخم منهم وهذي خريطة الطريق ومش عاجباك صراحة "انت مابعجبك العجب ولا الصيام في رجب".

أبو فلسطين: أنا والله بانصحك لكن الظاهر انو "اللي بينصحك زي اللي بيرصعك".

أبو سعود: على العموم " اللي بيجري على الناس بيجري علينا" والمثل بقول "حط راسك بين هالروس وقول يا قطاع الروس".

أبو فلسطين : كل اللي بدي أقوله "داوي جرحك مليح لابيدمي ولا بقيح" واحنا دوانا بها الجهاد المبارك والمقاومة بكل شارع وطريق مش بالجبن والخوف والجري ورا خرابيط الطريق !!

_________________
]أنا لا أكتب التاريخ بل التاريخ يكتبني لآني بنت فلسطين والكل يعرفني
queen غيداءالشنطي queen
الرجوع الى أعلى الصفحة اذهب الى الأسفل
نعم رغم المسافات
المشرفون
المشرفون
avatar

عدد المساهمات : 1338
تاريخ التسجيل : 03/11/2010
العمر : 21

مُساهمةموضوع: رد: حوار فلسطيني بالامثال الفلسطينية ( اكتر من رائع)   الجمعة ديسمبر 10, 2010 6:41 pm

اتمنى لكي مزيدا من التقدم

والى الاماام دوماا

بجد جهوود جباارة وراائعة

يسلمووووووووووو

_________________
مـــــــــ أجمل ــــــا الابتسامــــــــة حين تشق طريقهــــــــــــ وسط ــــــــا الدموع
الرجوع الى أعلى الصفحة اذهب الى الأسفل
frasha
عضو في القمة من التفاعل ( الله يعطيه الصحة )
عضو في القمة من التفاعل ( الله يعطيه الصحة )
avatar

عدد المساهمات : 609
تاريخ التسجيل : 04/11/2010
العمر : 21
الموقع : في مكان ما هنا ..

مُساهمةموضوع: رد: حوار فلسطيني بالامثال الفلسطينية ( اكتر من رائع)   الأربعاء ديسمبر 22, 2010 9:03 pm

ميرسي كتييير ..
دمتي متالقه

_________________
ღ♡♥️ஓ.,أنا منـ تعزفــ على ـــ أوتــــــــــ القلوب ـــــــارღ♡♥️
الرجوع الى أعلى الصفحة اذهب الى الأسفل
زهرة المرح
عضو في القمة من التفاعل ( الله يعطيه الصحة )
عضو في القمة من التفاعل ( الله يعطيه الصحة )
avatar

عدد المساهمات : 469
تاريخ التسجيل : 03/11/2010
العمر : 21
الموقع : منتدى الاجتماعيات _انا فلسطيني _مسلمة

مُساهمةموضوع: رد: حوار فلسطيني بالامثال الفلسطينية ( اكتر من رائع)   الأحد فبراير 20, 2011 8:02 am

بارك الله فيكم ع المرور الكريم

_________________
]أنا لا أكتب التاريخ بل التاريخ يكتبني لآني بنت فلسطين والكل يعرفني
queen غيداءالشنطي queen
الرجوع الى أعلى الصفحة اذهب الى الأسفل
ليلى مصلح العسل
عضو حريييييييييييييييييف يعني محترررررررف
عضو حريييييييييييييييييف يعني محترررررررف
avatar

عدد المساهمات : 194
تاريخ التسجيل : 17/01/2011
العمر : 19
الموقع : أمام ال TV

مُساهمةموضوع: رد: حوار فلسطيني بالامثال الفلسطينية ( اكتر من رائع)   الثلاثاء فبراير 22, 2011 6:59 am




















































































































































روووووووعة با عسل مشكورة











الرجوع الى أعلى الصفحة اذهب الى الأسفل
Nihad Zaqout
عضو في القمة من التفاعل ( الله يعطيه الصحة )
عضو في القمة من التفاعل ( الله يعطيه الصحة )
avatar

عدد المساهمات : 472
تاريخ التسجيل : 11/11/2010
العمر : 19

مُساهمةموضوع: رد: حوار فلسطيني بالامثال الفلسطينية ( اكتر من رائع)   الثلاثاء فبراير 22, 2011 4:39 pm

حوار كتير حلو

يسلمو يا عسل

يعطيكِ ألف عافية

_________________
ـــــــــــــــــــــــــــــــــــــــــــــــــ
الرجوع الى أعلى الصفحة اذهب الى الأسفل
 
حوار فلسطيني بالامثال الفلسطينية ( اكتر من رائع)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الاجتماعيات لمدرسة بنات الشاطيء الاعدادية (أ) :: من هنا و من هناك :: الغالية فلسطين / ماذا تقدمون لها-
انتقل الى: